Баҳром Назаровдан “Нафас”

Хонанда Баҳром Назаров ҳам мухлисларини хурсанд этиш ниятида янги ижод маҳсулларини тайёрламоқда. Тез кунларда премьера бўлиши кутилаётган “Сурмали” таронаси ҳақида айтиб ўтган эдик. Бу қўшиқ билан параллел равишда яна бир композиция ёзилмоқда. “Нафас” номли ушбу мусиқий асар ҳам тингловчиларни бефарқ қолдирмаслиги тайин. Хабарларга кўра Баҳром Назаров “Сурмали” ашуласи учун видеоклип тасвирга олишни мўлжаллаган. Ҳар доим қўшиқ ва клипларида ўзгача ёндашадиган хонандага омад тилаймиз ва премьераларни кутиб қоламиз.