Юлдуз Усмонова ва Имрондан кутилмаган дуэт

10 март кунидан яккахон концерт дастурига старт берадиган санъаткор Юлдуз Усмонова, концерт арафасида, репетициялардан ортиб видеоклип суратга олдиришга ҳам улгурди. Юлдуз Усмонованинг репертуаридан бўлган “Бухородан куёв қилинг” деган ашулани тингламаганлар бўлмаса керак. Айнан шу қўшиқни примадонна, истеъдодли хонанда Имрон билан янги талқинда куйлади. Дуэт композиция учун трек услубида видеоклип ҳам тасвирга олинди. Жонред Сагдиев режиссёрлигида суратга туширилган клип энг қисқа вақт ичида оммага тақдим этилиши режалаштирилган. Юлдуз Усмонова ва уларнинг жамоаларига омад тилаймиз. Концертдан репортажни кутиб қолинг.