Шоҳруҳхондан тез кунда премьера

Хонанда Шоҳруҳхон яқиндагина “Қалбимдаги гулим” таронаси билан мухлисларини қувонтирган эди. Мазкур мусиқий асар мана бир неча ҳафта давомида хит парадларда ҳам биринчиликни эгаллаб келди. Ҳар бир композицияси хит бўладиган Шоҳруҳхон яна бир янги ижод маҳсулини тайёрлаётгани ҳақида маълум қилди. Номи сир тутилаётган навбатдаги таронани хонанданинг ўзи, маҳоратли ижодкор Жасур Бадалбоев билан ҳамкорликда ёзмоқда.  Ижодий жараёнда клипмейкер Дилмурод Агзамовнинг иштироки эътиборимизни тортди. Шоҳруҳхон янги қўшиғи учун аллақачон клип суратга олиш пайига тушган кўринади.  Демак, хонандадан янги қўшиқнинг премьерасини кутиб қолинг, албатта сизларга ёқадиган ижод намунаси бўлишига ишонамиз.