Шифокор аёллар ҳақида фильм суратга олинади

Шифокорлар бизнинг ҳаётимизда муҳим рол ўйнаши, уларнинг қанчалик фидойи экани ўтган йилда янада яққол намоён бўлди. Шундай эмасми?  Ўзбеккино миллий агентлиги берган маълумотига кўра шифокор аёллар ҳақида “Аёл қалби” номли бадиий фильми яратилади. Мазкур кинокартина тиббиёт соҳасида самарали фаолият олиб бораётган, беморларнинг дардига дармон бўлаётган шифокор аёл тақдири хақида ҳикоя қилади. Съёмка жараёнлари Бухоро ва Тошкентда бўлиб ўтиши белгиланган. Ҳозирда ижодий гуруҳ суратга олиш жойларини танлаш билан бирга, фильм учун актёрлар таркибини тузиш билан банд.