"Ўзбек миллий кино санъати ҳафталиги" давом этади
Куни кеча Ёшлар ижод саройида "Ўзбек миллий кино санъати ҳафталиги"нинг очилиш маросими бўлиб ўтди. Ҳафталикнинг биринчи кунида кўплаб тадбирлар бўлиб ўтди. Шунингдек, "Қизил йўлакча" ташкил қилиниб, унда таниқли кино санъати вакиллари иштирок этишди. Райҳон Уласенова, Феруза Сабитова, Нигора Каримбоева, Дилноза Кубаева, Раъно Шодиева, Умид Искандаров, Адиз Ражабов, Алишер Узоқов, Зуҳра Солиева ва бошқа кўплаб актёр ва актрисалар, кинорежиссёрлар қатнашишди. Ҳафталикнинг илк куни тақдимотлар, ёш киноижодкорлар учун кастинг ва маҳорат дарслари, киноконцерт ташкил этилди. Кун сўнгида эса режиссёр Муҳаммад Али Искандаровнинг "Мен террорчи эмасман" фильмининг катта намойиши ўтказилди. Эслатиб ўтамиз, "Ўзбек миллий кино санъати ҳафталиги" 16 январь кунигача давом этади.