Заринадан сокин йўналишдаги тарона премьераси

“Афсонавий” таронаси ва клипи орқали бир неча мухлисларга эга бўлган Зарина ижодидаги навбатдаги таронани тақдим этди.

Бу сафар романтика йўналишида яратилган қўшиқ “Мени кечир” дея номланади. Бу таронани яратишда Зарина Якзон билан ҳамкорлик қилди. Якзонни маҳоратли шоир, бастакор, бундан ташқари, хонанда сифатида ҳам яхши биласиз. 

Қўшиқ илк марта “Ўзбегим таронаси” радиоси орқали премьера қилинди. Қўшиқнинг премьераси учун шахсан Заринанинг ўзи радиога ташриф буюрди.

Қўшиқ янграётган вақтда кириб келган Заринанинг ташрифи мазкур лойиҳага янада кўтаринки кайфият баҳш этди. Тингловчиларнинг ўзлари ҳам шахсан севимли ижодкорлари билан мулоқотга киришиш имкониятига эга бўлишди. 

 Ижодини дастлаб қўшиқ куйлашдан бошлаган Зарина кейинчалик актрисаликда фаолият олиб борган бўлса-да, ёшлигида дилига тугиб қўйган ниятини амалга оширишга киришди.

Тингловчилар томонидан билдирилган илиқ фикрлар Заринанинг ҳаяжонини босиб, кайфиятини янадан кўтарди. Ҳам матн, ҳам мусиқа уйғунлиги, айниқса ижро тингловчилар томонидан юқори баҳоланди. Заринанинг айтишича, бу қўшиққа клип ҳам суратга туширилган. Бу ҳақда батафсил кейинроқ маълум қиламиз.