Жавлон Шодмоновдан янги картина тез кунларда тайёр бўлади
Жавлон Шодмонов ҳам актёр, ҳам режиссёр сифатида ўзбек кино санъатида ўзининг муносиб ўрнига эга.
Асосан комедик фильмлари ва комедик роллари билан кино шинавандаларига таниш бўлган Жавлон Шодмонов янги картина тайёрламоқда.
Режиссёрнинг айтишича, бу сафар кино ўзгача йўналишда, ўзгача жанрда суратга олингани билан бошқа картиналардан фарқ қилади.
Фильмда бош ролларни Муҳаммадисо Абдулхаиров, Шукрулло Исроилов, Жавлон Шодмонов, Жаҳонгир Позилжонов, Хосият Ҳусанова, Гулчеҳра Носирова ижро этишган. Бундан ташқари, картинада кўплаб элимиз севган ва маҳоратли актёрлар иштирокига гувоҳ бўласиз.
Картина актёрлар жамоаси сезганингиздек, профессионаллардан ташкил топган. Бу эса фильм муваффақиятини олиб келувчи яна бир омад калитидир.
Жавлон Шодмонов берган яна бир маълумотга кўра, фильм фантастик комедия жанрида бўлиб, барчага яхши кайфият улашувчи клип шу йил томошабинларга тақдим этилиши мўлжалланган.
