Виа Мароканднинг илк яккахон концерт дастури бўлиб ўтди
29, 30 март кунлари "Халқлар дўстлиги" санъат саройида қисқа вақт ичида халқимизнинг севимли ижодкорларига айланган Виа Мароканднинг илк яккахон концерт дастури бўлиб ўтди. "Ҳамма ҳаракатда" деб номланган мазкур дастур кутилганиданда аъло даражада, файзли ва кўтаринки руҳда ўтди.
Концерт 3 қисмдан иборат иборат бўлди. Концерт давомида ижодкорлар бир нечта образларда намоён бўлишди. Дастурда хит тароналар билан бирга, янги қўшиқлар, дуэтлар ҳам куйланди. Биринчи қисмда "Тарнов" таронаси билан бошланиб, "Салом муҳаббат" қўшиғига боғланди. Сўнгра катта экранда намоён бўлган Шукурилло Исроиловнинг талабларига биноан "Алфа бета"га навбат берилди. Дастур "Шоколод" номли янги қўшиқ премьераси билан давомланди.
Концерт сўнгига қадар 20 дан ортиқ тарона ижро қилинди. Улар ичида 3 таси дуэт қўшиқ бўлиб, дуэтдошлари Тоҳир Содиқов, Жаҳонгир Позилжонов, Зиёда бўлди. Ҳар бир қўшиқ учун алоҳида рақс, саҳна кўринишлари тайёрланганини гувоҳи бўлдик. Концертда Шукурилло Исроилов, Дизайн жамоаси меҳмон бўлди. Ўзларининг такрорланмас ҳазиллари билан томошабинларга аъло кайфият улашишди. Виа Мароканд илк имтиҳонни аъло даражада ўтказди десак муболаға бўлмайди. Ижодкорларга омад тилаймиз ва дастурда янграган янги қўшиқларни кенг омма учун премьерасини кутиб қоламиз.
