Милена Мадмусаева "Овора" клипини тақдим этади

Ўзбекистонда хизмат кўрсатган артист Милена Мадмусаева куни кеча  ижтимоий тармоқлар орқали тез кунда премьераси бўлиши кутилаётган клипнинг трейлерини намойиш қилди. Трек ва сюжетдан иборат бўлган видео асар лавҳаси кўпчиликни қизиқтириб қўйди. Ёдгор Носиров режиссёрлигида тасвирга олинган мазкур клипда хонанда билан бирга Умид Искандаров, Нилуфар Сотиболдиева, Муяссар Бердиқулова, Наргиза Абдуллаева ҳамда жажжи актриса Эъзоза иштирок этган. Ўйлаймизки, Милена Мадмусаеванинг ушбу видеоклипи томошабинларга манзур келади.