Дилсўз хоразмча қўшиқ куйлади

Дилсўз ўзбек эстрадасида ўзининг самимийлиги, сокин бўлган тароналари билан мухлислар қалбидан жой олган. Куни кеча хонанда ижодидаги шўх таронани тақдим этди.

Хоразм наволари остида яратилган тарона “Гал бари” дея номланиб, рақсбоп қўшиқлар қаторига киради. Хонанда ижодида алоҳида ўринга эга бўлиши кутилаётган тарона халқ куйи ва халқ сўзи асосида яратилган. 

Мазкур қўшиқ илк марта “Ўзбегим Таронаси” радиоси орқали премьера қилинди. Мухлислар тарона янграгач, янги ижод намунаси ҳар тарафалама маъқул келганини билдиришди.

Бир неча йиллар аввал яратилган қўшиқни янгича йўналишда ва янги руҳда қайта тиклаган Дилсўзга "офарин" сўзларини айтишди. 

Дилсўз ижросидаги “Гал бари” таронаси сайтимизга ҳам жойлаштирилган. Aгар қўшиқ премьерасини тинглашга улгурмаган бўлсангиз, хозироқ тинглаб, баҳо беришингиз мумкин.