Аҳад Қаюм "Отажон" номли фильмга қўл урди

Серқирра ижодкор Аҳад Қаюм сўнгги кунларда бир нечта фильмлар, сериаллар устида иш олиб бормоқда. Айни дамда суратга олиш ишлари қизғин давом этаётган фильмларидан бири "Отажон" деб номланади. Унда бош ролни халқимиз суйган актёр  Убайдулло Омон ижро қилмоқда. Шу билан бирга Шоҳида Исмоилова, Зарнигор Усмонова, Аҳад Қаюм,  Қаҳрамон Шарипов ва бошқа кўплаб актёр ва актрисалар мазкур картинада такрорланмас образларни яратишмоқда. Аҳад Қаюм режиссёрлигида яратилаётган фильмнинг тасвирчиси Шуҳрат Мавлонов. Фильм учун саундтрекни хушовоз хонанда Дилдора Ниёзова ижро қилди.  Тез кунларда намойиш қилинадиган картина томошабинлар қалбини ларзага келтириши тайин. Кутинг ва кузатиб боринг.