Ҳайрулла Ваҳобов 4 йиллик танаффусдан сўнг...

4 йиллик танаффусдан сўнг Ҳайрулла Ваҳобов яна ижод денгизига шўнғиб кетди. 

“Санам” деб номланган тарона тайёрлаётган хонанда унга ишланган янги видеоклипни ҳам тақдим этиш истагида. Бир неча йиллар аввал яратилган қўшиқ янгича талқинда жаранг сочади. 

Унга суратга олинган видеоклип меҳр-муҳаббат билан яратилмоқда. Нозим Толипов режиссёрлигида тасвирга олинган видеода Ўзбекистонда хизмат кўрсатган артист Гулчехра Носирова, Турғун Бекназаров, Мақсуда Отажонова, Наргиза Шаҳобова ва бошқа кўплаб маҳоратли ва профессионал ижодкорлар роль ижро этганлар. Тез кунларда мазкур янгиликлар премьерасини қарши оласиз. 

Ҳайрулла Ваҳобов ижодида яна бир янгилик тайёрламоқда. Шу кунларда ижодкор Сарвар Раҳматхўжаев билан ҳамкорликда янги қўшиқ яратиш устида иш олиб бормоқда.