Шарқ гуруҳидан ваъда қилинган клип премьераси

Яқиндагина "Қалбимда алам" таронаси билан мухлисларини қувонтирган Шарқ гуруҳи, мазкур қўшиқ учун тасвирга олинган клипни намойиш қилди. Хабарингиз бор, бу композиция гуруҳ ижодкорларининг Шаҳбоз Носиржонов ва Жасур Бадалбоев билан илк ижодий иши ҳисобланади. Биринчи ҳамкорликдан нафақат ижодкорлар балки, уларнинг мухлислари ҳам мамнун. Қизиғи, шундаки, клип икки кун мобайнида Россия Федерациясининг Санк Петербург шаҳрида, об-ҳаво -6 даража совуқ бўлишига қарамай, суратга олинган. "Shoxona Creative Group" томонидан тасвирга олинган клипнинг сценарий муаллифи Жамшид Ҳожиниёзов. Оператор Беҳзод Пўлатов, Стилист ва визажист Лидия Андре.