Шаҳзодадан видеопремьера - "Жажжи қизалоқ"

Мафтункор хонанда Шаҳзода яқиндагина "Жажжи қизалоқ" номли таронаси билан халқимизни қувонтирган эди. Қисқа фурсатда кўпчиликнинг қалбидан жой олган мусиқий асар учун видеоклип ҳам тасвирга олингани ҳақида хабар берган эдик. Юртимизнинг етакчи телеканаллари ва интернет тармоқлари орқали "Жажжи қизалоқ" клипи премьера қилинди. Видео асар Шаҳзода муаллифлигидаги сценарий асосида яратилган. Клип режиссёри ва тасвирчи Ёдгор Носиров.
Эслатиб ўтамиз, "Жажжи қизалоқ" қўшиғи Сарвар ва Комил томонидан яратилган.