Беном гуруҳидан ноодатий видеопремьера тез кунда

Истеъдодли ва серқирра ижодкорлардан ташкил топган "Беном" гуруҳи вакилларидан навбатдаги янгилик. Гуруҳ ижодкорлари яқиндагина премьера қилинган “Салом” таронасига видеоклип суратга олдирди.

Ноодатий сюжетни ўз ичига олган бу видео асарда фазода жойлашган "Gliese"-581G сайёрасидан икки ўзга сайёралик- "Gee" ҳамда "Kou" ларнинг бизнинг сайёрамизга тадқиқот ўтказиш мақсадида ташриф буюриб, одамлар орасида ўтказган илмий изланишлари ва бу жараёнда улар дуч келган кўплаб қизиқарли воқеалар тасвирланган.

Ҳусан Атабоев режиссёрлигида суратга олинаётган клип жараёнидан тақдим этилган фотосуратлардан видеоклип қанчалик қизиқарли ва янгича услубда яратилаётгани кўришингиз мумкин. Демак, тез кунда севимли ижодкорларингиздан навбатдаги туҳфани кутиб қолинг.