Аҳад Қаюмнинг "Натижа" фильмининг премьераси бўлиб ўтди
15 июнь куни Алишер Навоий номли киносаройида серқирра ижодкор Аҳад Қаюмнинг узоқ кутилган "Натижа" фильмининг премьераси бўлиб ўтди. Кинотақдимот аъло даражада ўтказилди. Шу куни ҳайит айёми бўлишига қарамай, киносарой томошабинлар билан гавжум эди. Аҳад Қаюм ва унинг ижодий жамоаси картинанинг тақдимот маросимига катта тайёргарлик кўришган. Меҳмонлар учун қизил йўлакча ташкил этилган. Кинотақдимот бадиий қисм билан бошланди. Унда фильмнинг барча ижодкорлари саҳнага таклиф этилиб, бирма бир таништирилди. Картинада устоз санъаткорлар билан бирга бир нечта янги чеҳралар, ёш истеъдод эгаларининг ижро маҳоратига ҳам баҳо беришингиз мумкин. Унда бош ролларни Аҳад Қаюм, Севара Солиева, Мадина Мухторова, Луиза Расулова, Раъно Ярашева, Барно Қодирова ва бошқа бир қатор актёр ва актрисалар қатнашишган.
Ҳаётий воқеаларга асосланган кинокартина ўйлаймизки, барчага манзур келади.
