"Амиран" фильмининг илк намойиши бўлиб ўтди

8-июнь куни режиссёр Азамат Ахроровнинг "Амиран" деб номланган фильмининг узоқ кутилган премьераси бўлиб ўтди. Фильм тақдимоти ноодатий тарзда ўтказилди. 

Фильм ижодкорлари, меҳмон санъаткорлар, актёр ва актрисалар учун махсус қизил йўдакча ташкил этилди. Ташриф буюрган ҳар бир ижодкорларни фильмнинг режиссёри ва бош қаҳрамони Азамат Аҳроров қарши олди. Улар бошловчилар томонидан томошабинларга таништирилди.

Хонандалар Каниза, Шод гуруҳи ва Юсуфхон Нурматов ўзларининг сара қўшиқлари билан мухлисларни қувонтиришди. Бу сафар фильм ижодкорлари саҳнага таклиф этилмади.

Фақатгина Азамат Ахроров саҳнага чиқиб, ташриф буюрган меҳмонларга, ижодий жамоасига миннатдорчилик билдирди.