Райҳон “Юрак” клипини тақдим қилди

Аввалги янгиликларимизда хабар берганимиздек, Ўзбекистонда хизмат кўрсатган артист Райҳон “Юрак” қўшиғи учун видеоклип суратга олдирган эди. Тасвирга тушириш жараёнини ўзидаёқ мухлисларни қизиқтириб қўйган бу видеоклип томошабинлар ҳукмига ҳавола қилинди. Видео асарда  “Томчи” клипининг ижодкорлари иштирок этишган. Ундаги воқеалардан клипни “Томчи 2” деб аташ ҳам мумкин.

Эслатиб ўтамиз, клип Санжар Маткаримов режиссёрлигида суратга олинган. Тасвирчи Рустам Муродов. Унда бош ролларни Алишер Узоқов, Мқаддас Саъдуллаева ва Шаҳзод Султонов ижро қилган. “Юрак” қўшиғининг муаллифлари эса Хамдам Собиров ва Жасур Бадалбоев.