Достон Убайдуллаевдан тез кунда янги видеоклип

Яқиндагина "20 қадам" таронасини тақдим қилган хонанда Достон Убайдуллаев қизғин ижод уммонида. Хонанда янги қўшиқлар ва клиплар устида иш олиб бормоқда. Маълумки, сўнгги қўшиқ ҳам ўз тингловчиларини топиб, мухлислар орасида оммалашмоқда. Достон Убайдуллаев бундан илҳомланиб, халқимизни янада хушнуд қилиш мақсадида "20 қадам" композицияси учун видеоклип тасвирга олдирди. Клип режиссёри хонанданинг доимий ҳамкори Саъдулла Ҳикматов. Видео асар трек ва сюжетни ўз ичига олади. Айни дамда клип устида монтаж ишлари олиб борилмоқда. Тез кунда эса видеопремьера! кутинг ва кузатишда давом этинг.