Бухоро шаҳрида “Насриддин Афанди” фестивали ўтказилади

Бухоро вилояти ва Бухоро шаҳрининг туризм салоҳиятини ривожлантириш мақсадида Бухоро шаҳрида 1-2 апрель кунлари “Насриддин Афанди” фестивали ўтказилади. Фестивалда қизиқчи ва аскиячилар: Аваз Охун, Валижон Шамсиев, Мирзабек Холмедов, Обид Асомов, Санжар Шодиев, Нодир Ҳайитов, “Ҳандалак”, “Қахқаха”, “Шўрданак” гуруҳлари, “Дизайн” ва “Миллион” жамоалари иштирок этади. Илк маротаба ташкил этилаётган бундай тадбир барчани кўтаринки руҳда бўлишини таъминлайди ва иштирок этган томошабинлар аскиялардан баҳраманд бўлишади.