Тез кунда янги картина “Мақсад”

Айни дамда бир гуруҳ киноижодкорлар янги лойиҳа устида иш бошлашди. Бу лойиҳа тез кунларда кино ихлосмандлари ҳукмига ҳавола этиладиган ўткир сюжетли детектив, драма жанридаги “Мақсад” фильмидир. Рустам Мелиев режиссёрлигидаги бу картина устида тасвирга олиш ишлари жуда қизғин олиб борилмоқда. Маълумотларга қараганда, фильмда ўз ишининг моҳирусталари бўлган актёр ва актрисалар гуруҳи жамланган.

Жумладан, бош ролларни Сейдулла Молдаханов, Бобур Йўлдошев, Шаҳзода Матчанова, Юлдуз Ражабова, Анвар Картаев, Жамшид Асадов, Тоҳир Саидов ва  Киара Крит ижро этмоқда. Сценарий муаллифи Жамшид Асадов, тасвирчи Диёр Адашев, продюсер Хожимурод Тўхтамуродов.