Райҳон янги фильм учун саундтрек куйлади

Ўзбекистонда хизмат кўрсатган артист Райҳон айни дамда 2018 йилда бўлиб ўтадиган яккахон концерт дастурига тайёргарлик ишларини бошлаб юборган. Шундай бўлишига қарамай, у янги лойиҳалар устида ҳам тинимсиз ишламоқда. Улардан бири янги фильм учун суратга олинган саундтрекдир. Хонанданинг "Унутоламан" қўшиғи ёш ва умидли киноижодкорларнинг илк фильми учун саундтрек қилиб олинди. Бугун ушбу саундтрекнинг трек қисми тасвирга туширилди. Ижодкорларнинг маълумотига қараганда, улар Райҳонни нигоҳлари учун таклиф қилишган. Райҳон ҳам ёш ижодкорларни қўллаб-қувватлаш ниятида бу таклифни қабул қилган. Райҳон ва киноижодкорлар бу ҳамкорлик ҳамда тез кунда тақдим этиладиган картина мухлисларга манзур келишига катта умид боғлашган.