Шаҳзод Муродовдан янги таронани қарши олинг

Ёш бўлишига қарамай, ўзбек санъатида ўз ўрнини топиб бораётган, ижро маҳорати билан мухлислар олқишига сазовор бўлган Шаҳзод Муродов яна бир янги қўшиғини халқимизга армуғон қилди. "Жингалак" деб номланган мазкур қўшиқ ижобий фикрлар билан кутиб олинди. Шоир Саман сўзи билан яратилган бу мусиқий асарнинг бастакори Тимур Раҳмонов. Хонанда, ушбу қўшиққа видеоклип суратга олдиришга ҳам улгурган. Дилмурод Агзамов режиссёрлигида тасвирга туширилган клип тез орада намойиш этилади.