Сардор Раҳимхон ва Манзурадан узоқ кутилган клип премьераси

 

Ўзбекистонда хизмат кўрсатган артист Сардор Раҳимхон ва эстрадамизнинг ёрқин намоёндаси Манзура "Жаним" деб номланган дуэтни тақдим этган эди. Айни дамда тингловчиларнинг севимли таронасига айланган мазкур композиция учун видеоклип ҳам суратга олинган эди. Тасвирга олиш жараёнларининг ўзидаёқ барчани қизиқтириб қўйган видео асар бугун оммага тақдим қилинди. Комедия жанридаги ушбу ижод маҳсули  томошабинларга аъло кайфият улашмасдан қолмайди. Клипда Сардор Раҳимхон, Манзура ва Ҳалимахонимнинг ўзаро можаролари ҳазиломуз тарзда акс эттирилган. Минг бор гапирган кўра, бир бор кўрган афзал деганларидек, видеоклипни томоша қилиб, ўзингиз хулоса чиқаринг. Ўйлаймизки, сизларга ҳам манзур келади ва кайфиятингизни кўтаради.