Муниса Ризаева кузда яккахон концерт дастурини тақдим этади

Яқиндагина намойиш қилган  "Хафа хафа" клипи билан барчага юқори кайфият улашган Муниса Ризаева жорий йилнинг куз фаслида яккахон концерт дастурини тақдим этади. Октябрь ойида бўлиб ўтиши кўзда тутилган концертга хонанда аллақачон тайёргарликни бошлаб юборган. Жонли ижро устида ижодий жамоаси билан бирга ишламоқда. Бундан келиб чиқиб айтиш мумкинки, концертда Муниса Ризаева жонли ижрода куйлайди. Ўтган йилларда бўлиб ўтган дастурларда Муниса Ризаева кўплаб совғалар улашган эди. Жорий йилда ҳам у ўз мухлисларини кутилмаган туҳфалар билан лол қолдиришига шубҳамиз йўқ.