Фарҳод ва Ширин янги қўшиғига видеоклип суратга олдирди

 

Яқиндагина янги клипи билан халқимизни хушнуд этган Фарҳод ва Ширин яна бир янги лойиҳа устида иш бошлади. Улар "Гулиман" номли навбатдаги ижод маҳсулини ёзиб тугалладилар. Ҳаттоки, тарона учун видеоклип ҳам суратга олдиришга улгурдилар. Композиция учун яратилаётган клип Тошкент вилоятининг сўлим манзараларида, тоғ ён-бағриларида тасвирга туширилди. "9999" студиясининг маҳоратли клипмейкерлари билан ҳамкорликда суратга олинган бу клипда хонандалар турли образларда намоён бўлишади. Шунингдек бу видео асар Зарина Аҳмедова бошчилигидаги "Наврўз" рақс ансамблининг бетакрор рақслари билан ҳам бойитилиши кўзда тутилган.