“Бегуноҳ” фильмининг илк намойиши бўлиб ўтди
30 май куни Алишер Навоий номли киносаройида “Бегуноҳ” картинасининг илк намойиши ўтказилди. Тақдимотга кино ихлосмандлари, актёрлар, актрисалар, ва фильм ижодкорлари, уларнинг ёр-у биродарлари ташриф буюришди. Фильм ижодкорларини қутлаган ҳолда, бадиий қисмни Манго гуруҳи ва Фаррух Раимов очиб беришди. Шундан сўнг картина саундтреки ёш хонанда Беҳруз Тоҳиров томонидан ижро этилди. Кейин саҳнага ижодкорлар таклиф этилиб, бирма-бир оммага таништирилди. Сўнгра томошабинларни кўп куттирмай, картина намойишига навбат берилди.
Фильмда бош ролларни Тўти Юсупова, Умид Искандаров, Йигитали Мамажонов, Ситора Алимжонова, Беҳруз Тоҳиров, Луиза Расулова ва бошқалар ижро этишган.
Эслатиб ўтамиз, мазкур фильмнинг ғоя муаллифи ва продюсер Нилуфар Худойбердиева. Режиссёр Умид Кучкаров, постановкачи режиссёр Малика Тошкенбаева. Тасвирчи Нусрат Ҳусанов. Картина директори Жамолиддин Равшанов. Мелодрамма жанридаги ушбу фильмда ёшларнинг эрта турмуш қуриши оқибатида келиб чиқадиган муаммоларни ўз ичига олган.
