Озодбек Назарбековдан тез кунда тарихий клип “Мангуберди”

Ўзбекистон халқ артисти Озодбек Назарбеков тарихий видеоклип суратга олдирди. “Мангуберди” деб номланган қўшиқ учун яратилаётган клипда халқ қаҳрамони Жалолиддин Мангуберди ҳаёти акс эттирилган. Тез кунда тақдим этилиши кўзда тутилган мазкур видеоклип “9999” студияси томонидан суратга олинди. Съёмка жараёнлари ўта қизиқарли ва шу билан бирга қийинчиликларга бой бўлди. Хонанда ушбу ижодий иши мукаммал тарзда рўёбга чиқиши учун мухлисларидан уни қўллаб-қувватлашларини ва дуо қилишларини сўради.

Қўшиқ муаллифларига тўхталадиган бўлсак, Ботиржон Эргашев сўзи ва Нодир Умаров мусиқаси билан яратилган.