Шаҳзода Фаррух Зокиров билан куйлаган дуэт таронасини тақдим этади.

Эстрадамизнинг мафтункор хонандаси Шаҳзода май ойида бўлиб ўтадиган 7 кунлик яккахон концерт дастурига катта тайёргарлик олиб бораётган бир пайтда, мухлисларини хурсанд қилишни ҳам канда қилмаяпти. Унинг навбатдаги туҳфаси барчани лол қолдириши аниқ. Хонанда Ўзбекистон халқ артисти, афсонавий санъаткор Фаррух Зокиров билан дуэт куйлади. “Чинара” деб номланган мазкур мусиқий асар 25-апрель куни барча радиотўлқинлар орқали премьера қилинади. Бу қўшиқ Шаҳзоданинг нафақат репертуаридан, балки мухлислар қалбидан ҳам алоҳида жой эгаллаши шубҳасиз.