Ёдгор Мирзажонов мухлислари учун ажойиб туҳфа тайёрламоқда

"Ниҳол" мукофоти совриндори Ёдгор Мирзажоновнинг сайтимизда премьераси бўлиб ўтган "Шамоллар" қўшиғига клип суратга олинди. Клип трек ва сюжет уйғунлигида 2 кун давомида тасвирга туширилди.  Клипга профессионал ижодкорлар Жаҳонгир Ибрагимов ва оператор Диёр Адашев жалб этилди.

 

Клип қаҳрамони кўп йиллар аввал тарк этган уйига қайтади. Болаликнинг ширин хотиралари унинг қалбини жунбушга солади. Бир пайтлар онаси ва акасини арзимаган сабаблар билан хафа қилган... Энди ўша беғубор дамлар унга армон бўлиб қолган. Тақдир шамоли ўтмишдан дарак бераётгандек...

Фалсафий талқиндаги янги клип премьерасини бизнинг сайтимизда кутиб қолинг!