“Ҳамроҳ” фильми катта экранларга чиқиш арафасида

Яқиндагина ОАВ вакиллари ва кино ижодкорлар учун ёпиқ тақдимоти ўтказилган “Ҳамроҳ” картинаси катта экранларга чиқиш арафасида. Оммага тақдим этилган трейлеридан сўнг катта қизиқишларга сабаб бўлган ва томошабинлар томонидан интизорлик билан кутилаётган ушбу картина 10-апрелдан юртимиз кинотеатрларида намойиш этилади.

Карим Мирходиев, Умид Искандаров, Адиз Ражабов, Юлдуз Ражабова, Нафосат Шодиева, Лола Элтоевалар иштирок этган мазкур фильм кино ихлосмандларини ҳайратлантириши шубҳасиз.

Эслатиб ўтамиз,  сценарий муаллифи ва постановкачи-режиссер Акром Шахназаров. Постановкачи-оператор Рустам Мелиев. Постановкачи-рассом Алишер Тулабоев. Бош продюсер Равшан Норбоев.