“Шохзамон кейингиси ким?”

“Шохзамон кейингиси ким?” ушбу савол бугунги кунда жуда кўпчиликни қийнамоқда. Нафақат шоу биснес вакиллари, балки, санъат шинавандалари ҳам қизиқмоқда. Ҳаттоки, шу савол билан мурожаат қилган санъаткорлар ва мухлислар суратлари ижтимоий тармоқларда тарқаб кетди. Ҳаммада бир хил савол – “кейингиси ким?” Энг қизиғи “Мен ҳақимда шу бола қўшиқ айтсин”, “Кейингиси менмасми?” деб сўраган ижодкорлар ҳам талайгина.

Биз ҳам кейингиси кимлигига қизиқиб, Шохзамонга мурожаат қилганимизда “ҳозирча сир бўла қолсин” – дея тез кунда "Ўзбегим Таронаси" радиоси ва www.popcorn.uz сайти орқали маълум қилишини айтди. Шунга қарамай биз, кейинги хонанда халқимизнинг севимли санъаткори, эстрадамизнинг мегаюлдузларидан бири эканини билиб олдик.

Шохзамоннинг таъкидлашича, “Кейингиси ким?” саволига жавоб бўладиган таронани яратилишига жиддий эътибор қаратилган. Чунки, аввало мазкур қўшиқ бағишланган инсон ўта нозик дид эгаси ва шу нуқтаи назардан қўшиқ биринчи ўринда тарона бағишланган инсонга манзур келиши керак. Хуллас, қўшиқ бағишланган инсонга маъқул келди ва ижро этишга қаршилик кўрсатмади. Шунга асосaн, кутилаётган ижод маҳсули барчага бирдек маъқул келишига ишонамиз.

 

Қўшиқни ўзига тўхталадиган бўлсак, сўзи ва мусиқаси Шохзамоннинг ўзи ҳамда шоир ва бастакор Бунёд Раҳматовга тегишли. Аранжировкаси устида эса Шохзамоннинг доимий ҳамкорлари Жамшид Гаффаров ва Шохруз ишлаган. Демак, Шохзамондан кутилмаган тарона премьерасини кутиб қолинг.