Улуғбек Раҳматуллаев ”Лола”нинг сирини очди

Бир неча кун олдин Улуғбек Раҳматуллаев мухлислари учун сирли совға тайёрлагани ҳақида хабар берган эдик. Хонанда “Лола”нинг сирини кўп куттирмай ошкор қилди. Бу янги тарона. “Бир дона” қўшиғининг рус тилидаги талқини. Композициянинг ўзбек тилидаги тури мухлислар қалбидан муносиб жой эгаллади. Халқимизнинг севимли қўшиқлари қаторидан жой олди. Бундан илҳомланган хонанда ушбу мусиқий асарнинг рус тилидаги талқинини тақдим қилди ва бу билан русийзабон тингловчиларни хушнуд этди. Алишер Тайр сўзи билан яратилган қўшиқнинг мусиқаси Зуфар Давлатов томонидан басталанган. Аранжировкасини эса Жасур Бадалбоев амалга оширган.