Баҳром Назаров энг таъсирли қўшиғига видеоклип суратга олдирди

Хушовоз хонанда Баҳром Назаров ўзининг  “Етимлар” деб номланган қўшиғига видеоклип суратга олдирди. Мазкур клипнинг бир неча дақиқалик трейлери ижтимоий тармоқларда шиддат билан тарқалди.

Мухлислар катта қизиқиш билан айни дамда клип премьерасини кутишмоқда. Ғайрат Аҳмедов ғояси асосида суратга олинган клип режиссёри Суннат Намозов. Қўшиқ муаллифларига тўхталадиган бўлсак, тарона Жасур Мавлонов билан ҳамкорликда яратилган. Тез кунда омма эътиборига тақдим этилиши режалаштирилган клипнинг фотосуратларини сизларга тақдим этамиз.