Шоҳруҳхон биринчи марта Москвада концерт беради

Санъатимизнинг ёрқин юлдузи Шоҳруҳхон айни дамда февраль ойида бўлиб ўтадиган яккахон концерт дастурига катта тайёргарлик олиб бормоқда. Шу билан бирга хонанда яна бир янгиликни ўз мухлислари билан бўлишди. У биринчи марта Москва шаҳрида ўзининг “Юлдузлар” номли яккахон концерт дастурини тақдим этади. 11-декабрь куни бўлиб ўтиши режалаштирилган концертда томошабинлар хонанда ижросидаги энг сара қўшиқлардан баҳраманд бўладилар. Биз Шоҳруҳхонга омад тилаймиз ва концерт кўнгилдагидек ўтишига ишонамиз.