“Хаш-паш дегунча” “Мирзо” театри томошаси репетиция жараёнлари

Халқимиз, кулгу инсон умрини узайтиради, деб бежизга айтмайди. Зеро, инсон ҳар бир вазиятни юзида табассум билан қарши олса, қалби ҳам қувончга тўлади, атрофидагиларга ҳам шодлик улашади. Ҳар йили баҳор фаслида анъана тусига айланган Мирза Ҳолмедов бошчилигидаги “Мирзо” театри томошаларини халқимиз интизорлик ила кутишади. Аслида, кимнидир кулдириш осон иш эмас, қолаверса кўпчиликни йиғиб, катта томоша ўтказиш эса ниҳоятда кучли тайёргарлик талаб этади. Шунингдек ижодий гуруҳнинг ҳамжиҳатлиги ҳам катта аҳамиятга эга.

 

 

Мирза Ҳолмедов билан бир қаторда бир неча йиллардан буён ижод қилаётган Валижон Шамшиев, Ҳалимахон, Ботирхон Имомхўжаев, Ойбек Ҳолмедов ва бошқа актёрлар мазкур тадбир учун бир неча ойлаб тайёрларлик кўришади.

 

 

 

Бу йил 30, 31 март ҳамда 1, 2, 3 апрель кунлари “Истиқлол” санъат саройида бўлиб ўтадиган навбатдаги катта дастур учун ҳам анча илгари бошланган репетиция жараёнлари ҳамон давом этмоқда. “Хаш-паш дегунча” деб номланган мазкур дастурда кулгу ва юморга бой саҳна кўринишлари, турли хангомалар ва қизиқарли томошалар намойиш этилиши режалаштирилган.

 

 

 

Бугун ана шу дастурга тайёргарлик кетаётган жараёндан махсус фоторепортажни эътиборингизга тақдим этмоқдамиз. Батафсил эса томошадан сўнг маълумотлар билан таништирамиз.