“Бойвачча куёв” фильмининг премьераси бўлиб ўтди

14-октябрь куни режиссёр Баҳром Ёқубовнинг “Бойвачча куёв” фильмининг илк намойиши бўлиб ўтди. Унда фильм ижодкорлари, уларнинг яқинлари ва ОАВ вакиллари иштирок этишди. Фильм премьераси одатдагидек бадиий қисм билан бошланди. Картина ижодкорлари саҳнага таклиф этилиб, бирма-бир таништиришди. Шундан сўнг фильм намойиши бошланди.

Мазкур картинада бош ролларни Алишер Усмонов, Юлдуз Ражабова ва Зарина Низомутдинова ижро этган. Мазкур кинокартинани сиз 15-октябрьдан бошлаб юртимизнинг барча кинотеатрларида томоша қилиш имконига эгасиз.