Хонанда Ҳадича янги видеоклип тасвирга олдирди
Бир нечта қўшиқлари билан халқимиз назарига тушган, кун сайин мухлислар ишончига кириб бораётган хонанда Ҳадича шу кунларда бир нечта лойиҳалар устида ишламоқда. Янги қўшиқлар яратиш билан бирга видеоклиплар яратишга ҳам улгурмоқда. Ҳозирги кунда радиотўлқинлар узра жаранг сочаётган “Айтсам” деб номланган таронаси учун тасвирга олдирган видеоклипи ҳам шулар жумласидандир.
“9999” студиясининг клипмейкерлари Хуршид ва Нодир Собиров режиссёрлигида суратга олинган клип трек жанрида. Унда Ҳадича бир нечта образларда намоён бўлади. Бу образларни яратишда у Шохрух Мусаев ҳамда Анна билан ҳамкорлик қилди. Видеоклип табиат қўйнида суратга олинди. Тез кунда намойиш этилиши кўзда тутилган ушбу клипни суратга олиш жараёнидан тақдим этилган фотосуратларни томоша қилинг.
