“Истиқлол фарзандлари” гала-концерти бўлиб ўтди

12-август куни “Туркистон”нинг ёзги саройида “Истиқлол фарзандлари” галаконцерти бўлиб ўтди. Унда етакчи ёшлар, хонандалар, актёр ва актрисалар иштирок этди. Тадбир Президентимизнинг Мустақилликни тантанавор эълон қилган тарихий саҳнанинг видеолавҳаси билан бошланди. Шундан сўнг улкан жасорат билан босиб ўтилган йиллар кетма-кетлиги экранда намоён бўла бошлади ва доруломон кунларнинг чорак асри пайдо бўлди. Қисқа тарих саодати барчага шукроналик кайфиятини  улашди. Сўнгра давлат мадҳияси янгради. Байрам дастурининг кулминацион нуқтаси ҳам бошланиб, ёшларнинг севимли хонандалари томонидан ижро этилган жўшқин қўшиқлар тақдим этилди.

Қолаверса, саҳна марказида 25 рақамининг мусиқали ва ранг-баранг чироқли кўриниши барча ёшларнинг қувончига сабаб бўлди. Бир сўз билан айтганда ушбу тадбир такрорланмас руҳда, ўта юқори кайфиятда ўтказилди.