Мафтункор Шаҳзодадан видеопремьера “Хаста”
Санъатимизнинг ёрқин намоёндаси, эстрадамизнинг порлоқ юлдузи бетакрор Шаҳзодадан ваъда қилинган “Хаста” таронасининг клипини қарши олиш онлари келди.
Ижтимоий тармоқлар орқали намойиш этилган клип трейлеридан сўнг мухлислар ўзгача иштиёқ билан кутган мазкур видео асар ҳақиқатдан ҳам кутишга арзигулик ижод намунаси бўлди десак, асло муболаға бўлмайди.
Серқирра ижодкорлар Сарвар ва Комил режиссёрлигида тасвирга туширилган видео асарни томоша қилар экансиз, танланган сюжетдан қалбингизни буткул тушуниб бўлмас, аммо сизга яқин бўлган ҳислар чулғаб олади.
Клип қаҳрамонларининг яратган образлари, ижролари, хатти-ҳаракатларини кўриб, уларнинг истеъдодига яна бир бор тан беришдан бошқа илож тополмайсиз. Унда бош ролларни Севара Солиева ҳамда Комил Фозилов ижро этган. Ҳозироқ ушбу клипни томоша қилинг ва баҳо беринг.