“Ваҳший” фильмининг премьерасига оз қолди

Аввал хабар берганимиздек, режиссёр Озод Шамс “Ваҳший” деб номланган янги  фильм устида иш олиб бормоқда. Фильм ижодкорларини сўзларига қараганда, бу картина тез кунда катта экранларга чиқиш арафасида. 

Феруза Фаттохова ва Саида Ваҳобова сценарий муаллифлигида яратилаётган мазкур кино асарда  бош ролларни Асал Шодиева, Шоҳида Исмоилова, Мираброр Мирҳалилов, Ҳамид Тошпўлатов, Сулайман Искандаров, Азиз Раметов ва бошқалар ижро этган. Картина продюсери Руслан Мирзаев. Асал Шодиеванинг бу фильмдаги образи бутунлай ўзгача эканини маълум қилди. Шунингдек бу фильмда Кореянинг машҳур актёрлари ҳам иштирок этган.

Фильм ҳақида батафсил маълумотни яқин кунларда фильм ижодкорлари билан бўлиб ўтиши режалаштирилган суҳбатдан сўнг билиб олишингиз мумкин. Демак, бизни кузатиб боринг.