Виа Мароканддан илк ижод маҳсули тез кунда

Аввал хабар берганимиздек, режиссёр ва актёр Жавлон Шодмонов янги лойиҳа устида иш бошлаган эди. “Мароканд” деб номланган ушбу гуруҳ – вокал чолғу ансамбли бўлиб, улар аллақачон ижодни бошлаб юборишди. Куни кеча улар “Тарнов” деб номланган илк ижод маҳсулига видеоклип суратга олдиришди. Жонрид Сагдиев режиссёрлигида тасвирга туширилган клип трек ва сюжет жанрида. Унда эстрада ва кино оламининг юлдузлари иштирок этмоқда. Жумладан Жаҳонгир Позилжонов, Жавлон Шодмонов, Зиёда, Асал Шодиева, Акбархўжа Расулов, Дониёр Ҳофизов, қизиқчи ва актриса Халимахоним, Дилшод Мирзамуродов, Аҳмад Темуров, “Comedy Uz” резидентларидан Хасан ва Хусан триоси бошқаларни кўришингиз мумкин.

Гуруҳ солистларидан бири Асалнинг сўзларига қараганда, ушбу клипни тасвирга олиш учун узоқ тайёргарлик ишлари олиб борилган.

Гуруҳ ижодкорлари видео клипда 7 хил образда намоён бўлишади. Шунингдек хонандалар ва актёp-актрисалар такрорланмас образларни яратишмоқда.

Элдор Қаюмов сўзи ва мусиқаси билан яратилган қўшиққа Ботир Алиев томонидан мусиқий безак берилган.