“Кутилмаганда” фильмининг премьераси бўлиб ўтди

10-март куни пойтахтимизда жойлашган Алишер Навоий номли киносаройида “Кутилмаганда” фильмининг премьераси бўлиб ўтди. Мазкур тақдимот анъаналарга хос бўлган бадиий қисм билан бошланди. Намойиш аввалида хонанда Бунёдбек Саидов бир жуфт қўшиғини томошабинларга армуғон этди ва фильм ижодкорларини кутлаб, уларга улкан мувафаққият тилади. Сўнг барча ижодкорлар саҳна таклиф этилди. Улар бирма-бир таништирилгандан сўнг, фильм намойишига навбат берилди.

 

Қутлимурод Ёқубов режиссёрлигидаги фильм томошабинларга илк намойишиданоқ манзур келди. Буни уларнинг яхши таассурот билан қайтаётганидан пайқаш қийин эмас эди.

Акром Шохназаров сценарийси асосида тасвирга олинган кино асарда бош ролларни  комик актёр ва кинорежиссёр Жавлон Шодмонов ҳамда Ойдин Юсупова ижро этган. Бундан ташқари Муҳаммад Исо Абдулхайиров, Лола Элтоева, Санжар Шодиев, Жумадилла Раметов, Тўхтамурод Азимов ва бошқаларни кўришингиз мумкин. Комедик жанрида яратилган бўлсада, унинг воқеалари реал ҳаётдан олинган.

Қадрли томошабинлар, бу фильмни сиз 11-мартдан бошлаб юртимиздаги кинотеатрларда томоша қилишингиз мумкин.