Шуҳрат Умарнинг клипида эстрадамиз юлдузлари бош ролларни ижро этмоқда
Хонанда Шуҳрат Умар янги таронасига видеоклип суратга олиш ишларини бошлаб юборди. Куни кеча тасвирга тушириш жараёнининг биринчи куни бўлиб ўтди. Клипнинг суратга тушириш ишлари икки кунга мўлжалланган. Ҳозирча хонанданинг продюсери қўшиқ ҳақида барча маълумотларни ошкор қилмади. Сабаби, улар барча маълумотларни клип билан бирга тақдим этишни режалаштиришган.
Мазкур клип Муҳаммадали Искандаров режиссёрлигида тасвирга туширилмоқда. Сценарий муаллифи ва ғояси ҳам клипмейкерга тегишли. Бош ролларда Шуҳрат Умар, Умид Искандаров, Муҳаммадисо Абдулхайиров, Сардор Раҳимхон Муниса Ризаева, “Божалар” гуруҳи, Наримон Султонхўжаев ва бошқаларни кўришингиз мумкин.
Рақсларни “Backstreet” гуруҳи ижро этган. Ҳозирча суратга олиш жараёнининг илк кунидан фотосуратларни тақдим қиламиз. Иккинчи кунидан ҳам тез кунда қизиқарли лавҳаларни сайтимиз орқали томоша қилиш имконига эга бўласиз.
