Инстаграмда нима гап?
Бугунги кунда деярли барчанинг диққат-эътиборида бўлган инстаграм ижтимоий тармоғида нима гап? Демак, шу кеча-кундузда...
Сардор Раҳимхон концерт дастурига тайёргарликни бошлаб юборди
Ўзбекистонда хизмат кўрсатган артист Сардор Раҳимхон яккахон концерт дастурига тайёргарлик ишларини бошлаб юборган. Мазкур жараён акс этган фотосуратни хонанда инстаграм оламидаги кузатувчилари билан бўлишди. Баҳор ойларида ўтказилиши режалаштирилган мазкур дастурнинг санаси ҳозирча сир тутилмоқда. Бироқ тез кунда сайтимиз орқали биринчилар қаторида билиб олишингиз мумкин.
Шаҳзода Матчанова халқаро кинофестивалда иштирок этди
Ўзбек киносининг ёрқин актрисаларидан бири Шаҳзода Матчонова Берлинда ўтказилаётган халқаро кинофестивалда иштирок этди. Режиссёр Ёлқин Тўйчиевнинг “Дом для русалок” фильми айнан мазкур кинофестивалда намойиш этилган. Бу ҳақида актриса инстаграмдаги расмий саҳифаси орқали хабар қолдирган.
Асал Шодиева ва Шоҳруҳхоннинг сурати мухлислар ўртасида яна шов-шувга айланди
Актриса Асал Шодиева ҳамда хонанда Шоҳруҳхон билан боғлиқ гап-сўзлар яна шов-шувга айланди. Асал Шодиева ўзининг инстаграмдаги саҳифасига хонанда Шоҳруҳхон билан тушган фотосуратини жойлади ва бу кузатувчилари ўртасида яна бахс ва можароларга сабаб бўлди. “Бу икки ижодкор ўртасидаги муносабат қандай?” - деган савол ҳали ҳамон жавобсиз қолмоқда.
Ана шунафқа гаплар.