Севинч Мўминованинг ижодида нима гап?
Ўзининг интилиши, меҳнати ва мухлисларга манзур келадиган ижод намуналари билан халқимиз назарига тушган, бир неча йиллардан буён шоу-бизнес оламидаги мустаҳкам ўрнини сақлаб келаётган хонанда Севинч Мўминова ижодида нима гап?
Айни дамда Севинч Мўминова янги тароналар ва видеоклиплар яратиш билан бирга, янги лойиҳалар устида ҳам иш олиб бормоқда. Унинг ижодига нафақат Ўзбекистондаги, балки қўшни мамлакатларда яшовчи мухлислари ҳам ўз қизиқишини билдирмоқда. Маълумотларга қараганда, у Озарбайжонда ҳам жуда машҳур. У ердаги ижодкорларнинг таклифи билан ҳаттоки ҳамкорликда янги тарона ва видеоклип ҳам тасвирга олинган ва бу ижод маҳсули янги йил арафасида телеэкранлар орқали намойиш этилган. “Колгем қедер” деб номланган мазкур тарона Баҳтиёр Ваҳобзода қаламига мансуб. Мусиқаси Н. Мусаев томонидан басталанган. Видеоклипи устида эса Раҳим Алиев ишлаган. Бу ҳали ҳаммаси эмас. Яна бир янги қўшиғига видеоклип яратилмоқда ва тез кунда омма эътиборига ҳавола этилади. Ҳозирча “Колгем қедер” клипини томоша қилинг ва ўз фикр-мулоҳазаларингизни билдиринг.