Дилсўздан романтик премьерани қарши олинг

Халқимизнинг хушовоз хонандаси, “Ниҳол” мукофоти совриндори Дилсўз ўзгача шижоат ва янги ғоялар билан ижодга қайтгани ҳақида маълум қилган эдик. Ҳозирда унинг янги “Айтгин” деб номланган таронасига бўлган қизиқиш кундан кунга ортиб бораётгани ҳам бежиз эмас. Ўзгача қиёфада намоён бўлган Дилсўз бугун мазкур қўшиқни мухлисларини кўп куттирмай, радиотўлқинларимиз орқали ҳавола қилишга аҳд қилди. 

Романтик тарона деб таъриф берилаётган ушбу композиция Дилсўзни ижодидаги қисқа танаффусга якун ясади. Аҳад Қаюм сўзи ва Аҳмад Хожиматов мусиқаси билан яратилган тарона хит даражасига кўтарилиши шубҳасиз. Ишонмайсизми, унда ўзингиз тингланг ва баҳо беринг.