“Радио” гуруҳининг талаби қандай?

 “Масхарабоз” қўшиғи  билан кўпчиликка таниш бўлган “Радио” гуруҳи ҳозирда эстрадамизнинг мафтункор хонандаси Шаҳзода раҳбарлигида ўз фаолиятини бошлаган  “Интермедиа” компанияси билан шартнома тузди ва мазкур марказнинг биринчи лойиҳасига айланди.

 

“Радио” гуруҳи “Интермедиа” компаниясидаги ижодини ўзгача шижоат билан бошлади. Бугун “Ўзбегим Таронаси” радиосининг премьера лойиҳаси орқали гуруҳнинг илк қўшиғи жаранг сочди. Тингловчилар томонидан ижобий фикрлар билан қарши олинган “Талабим” деб номланган бу қўшиқнинг матни  Бобур Умаров қаламига мансуб. Мусиқаси устида  Малик Қодиров ишлаган. Аранжировкаси “Vip Production” томонидан амалга оширилган. “Радио” гуруҳининг “Талабим” таронасини ҳозироқ тинглаб, баҳо беринг.