Будур ҳаммани рақсга чорлайди
Ёш бўлишига қарамай, қисқа муддат ичида халқимиз назарига тушган Будур ўз мухлисларининг ишончини оқлаш ниятида тинмай ижод қилмоқда. Хонанда кетма-кет янги тарона ва видеоклипларини халқимизга тақдим этишда давом этади.
Яқиндагина сайтимиз орқали “Жага” деб номланган қўшиғини намойиш этганига қарамай, навбатдаги видеоклип устида иш бошлаб юборди. Наримон Султонҳўжаев режиссёрлигида тасвирга олинаётган видео асар айнан “Жага” таронаси учун яратилмоқда. Қўшиқдан келиб чиққан ҳолда клип ҳам унга мос равишда тасвирга туширилди.
Эндиликда сиз нафақат композицияни эшитиб, балки видеоклипини кўриб, биргаликда рақсга тушишингиз мумкин. Айни дамда клип устида қизғин ижодий жараён кетмоқда. Тез кунда сайтимиз орқали мазкур ижод маҳсулидан баҳраманд бўлиш имконига эга бўласиз.
