"Ишдаги ишқ" комедия жанридаги фильмнинг премьераси
Ўзбек киноижодкорлари ҳафта сайин кино мухлислари учун янги туҳфалар тақдим этмоқдалар. "Ишдаги ишқ" номини олган комедия жанридаги фильмнинг премьераси бўлиб ўтди эртадан бошлаб эса шаҳримиз бўйлаб катта экранларда намойиш этила бошлайди. Иқбол Мелиқўзиевнинг мазкур фильмида бош ролларни ижро этиш учун Муҳаммадисо Абдулхаиров, Наргиза Салмонова, Асқар Хикматов, Хосият Хусанова, Зухра Солиева, Жаҳонгир Тўлқунов, Шерзод Бин каби кўпчилингизга маълум ва машҳур актерлар жамоаси жалб этилган.
“Ишдаги ишқ” номини олган картинани томоша қиларкансиз кулгули саҳналар, қизиқарли кадрлар томошабиннинг кайфиятини кўтаради. Муҳаббат истаган пайтда эмас аксинча кутилмаганда юрак чертиши, инсон эса ҳеч қачон тақдирини олдиндан била олмаслигига яна бир карра амин бўлади. Қолганини эса фильм томошасидан сўнг билиб оласиз.
